Ózbekstan Respublikası mámleketlik joqarı bilimlendiriw mákemelerine oqıwǵa qabıllaw processlerin muwapıqlastırıw boyınsha Mámleketlik komissiyası májilisiniń 8-sanlı protokolına muwapıq, ulıwma bilim beriw mákemelerinde jumıs islep atırǵan hám joqarı maǵlıwmatqa iye bolmaǵan muǵallimlerdi pedagogikalıq joqarı oqıw orınlarında bakalavriattıń sırtqı bilim beriw forması boyınsha tólemli kontrakt tiykarında ayrıqsha maqsetli qabıllaw kórsetkishleriniń qayta bólistiriliwi járiyalandı.

Usı tiykarda Ájiniyaz atındaǵı Nókis mámleketlik pedagogikalıq institutı 60110500 – Baslawısh tálim baǵdarı ushın qosımsha 53 orın ajıratıldı. Atap aytqanda, ózbek toparı ushın 27 orın (ótiw balı 74,6 ball), qaraqalpaq toparı ushın 17 orın (ótiw balı 75,4 ball), qazaq toparı ushın 6 orın (ótiw balı 74,6 ball), túrkmen toparı ushın 3 orın (ótiw balı 77,6 ball) (sonıń ishinde 1 orın keminde 5 jıllıq miynet stajına iye bolǵanlar ushın) ajıratıldı.

Usı ayrıqsha maqsetli qabıllaw kvotası boyınsha oqıwǵa qabıl etilgen abiturientler dizimi tómendegi faylda tolıq kórsetilgen.

Fayldı júklep alıń Ayrıqsha maqsetli qabıllaw kvotası boyınsha abiturientler dizimi

Oqıwǵa qabıl etilgen abiturientler NMPI 6-oqıw imaratında jaylasqan Qabıllaw komissiyasına tómendegi hújjetler menen keliwi soraladı:

1) Diplom (attestat) túp nusqası qosımshası menen;
2) Pasport nusqası – 4 dana;
3) 3,5 x 4,5 sm ólshemindegi 8 dana fotosúwret;
4) Toplaǵan balı kórsetilgen abiturient qaǵazı nusqası – 2 dana;
5) Abiturient ruxsatnaması (DTM ruxsatnama) nusqası – 2 dana;
6) Xalıq bilimlendiriw ministrligi tárepinen berilgen usınısnama (eger bolsa).

Qosımsha maǵlıwmat ushın telefonlar: +998 91 370 87 57, +998 91 393 59 75