Ózbekstan professional futbol ligasınıń Birinshi ligasında Qaraqalpaqstan Respublikasınıń «Aral» professional futbol klubı bıyılǵı máwsimde múnásip túrde qatnasıp, joqarı nátiyjelerge eristi hám Proliga jollamasın qolǵa kirgizgen edi.

Búgin, 21-noyabr kúni Qaraqalpaqstan Respublikası Joqarǵı Keńesinde «Aral» komandası aǵzaların sıylıqlaw máresimi bolıp ótti.

Quwanıshlısı, «Aral» professional futbol klubı aǵzaları bolǵan Ájiniyaz atındaǵı Nókis mámleketlik pedagogikalıq institutı Dene mádeniyatı fakultetiniń 7 studenti Qaraqalpaqstan Respublikası Joqarǵı Keńesiniń Baslıǵı Amanbay Orınbaev tárepinen «Úmit ushqını» kókirek belgisi menen sıylıqlandı.

Olar:
1) Asadbek Djumamuratov – «Aral» PFK futbolshısı;
2) Azizbek Umirbekov – «Aral» PFK futbolshısı;
3) Raxman Mamutov – «Aral» PFK futbolshısı;
4) Jamshit Turabaev – «Aral» PFK futbolshısı;
5) Ruslan Qalmaǵambetov – «Aral» PFK futbolshısı;
6) Shuhrat Dáryabaev – «Aral» PFK futbolshısı;
7) Dáwletbay Quwanıshbaev – «Aral» PFK futbolshısı.

Biz tabıslarǵa erisken institut studentlerin qutlıqlaymız hám aldaǵı jumıslarında tabıslar tileymiz!