Qazaqstanlı tájiriybeli docent NMPI Dene mádeniyatı fakulteti studentlerine sabaq ótpekte

Qazaqstan Respublikası Astana qalasında jaylasqan L.N.Gumilyov atındaǵı Evraziya Milliy universitetiniń Dene mádeniyatı hám sport kafedrasınıń docenti Ulbosın Marchibaeva Ájiniyaz atındaǵı Nókis mámleketlik pedagogikalıq institutı Dene mádeniyatı fakulteti studentlerine lekciya sabaqların ótpekte.

Studentlerdiń teoriyalıq bilimlerin arttırıw, bul baǵdarda xalıqaralıq reyting shólkemleri tárepinen «TOP-1000»lıq joqarı oqıw orınları qatarına kirgizilgen joqarı bilimlendiriw mákemeleri menen tıǵız baylanıslar ornatıw boyınsha shólkemlestirilip atırǵan sabaqlarda qazaqstanlı docent «Adaptiv dene mádeniyatı hám sport» teması boyınsha professor-oqıtıwshılar jáne studentlerge óz tájiriybeleri hám bilimleri menen bólispekte.

Maǵlıwmat ornında atap ótiw orınlı, búgingi kúnde Ájiniyaz atındaǵı Nókis mámleketlik pedagogikalıq institutında xalıqaralıq birge islesiw jumısları sheńberinde dúnyanıń abıroylı joqarı oqıw orınları, ilimiy-izertlew orayları menen 50 ge shamalas shártnama hám memorandumlar dúzilgen bolıp, sonıń ishinde, 20 ǵa shamalas joqarı oqıw ornı QS (Quacquarelli Symonds World University Ranks), THE (Times Higher Education) hám ARWU (The Academic Ranking of World Universities) sıyaqlı xalıqaralıq reyting shólkemleri tárepinen joqarı bahalanǵan joqarı bilimlendiriw mákemeleri bolıp esaplanadı.

NMPI baspasóz xızmeti.