Búgin, 29-noyabr kúni Tariyx fakultetinde A.S.Pushkin atındaǵı Leningrad mámleketlik universiteti docenti, tariyx ilimleriniń doktorı Vladimir Nikolaevich Shaydurov tárepinen professor-oqıtıwshılar ushın «Scopus hám Web of science bazasına kiriwshi xalıqaralıq jurnallarda maqalalar shıǵarıw tártibi»ne baǵıshlanǵan ilimiy seminar ótkerildi.

Ilimiy seminar dawamında V.N.Shaydurov tárepinen ilimiy tarawda óz ara birge islesiwdi jolǵa qoyıw, xalıqaralıq dárejede tán alınǵan ilimiy jurnallarda maqala baspadan shıǵarıwdıń jol-jobaları, olar tárepinen qoyılıp atırǵan talaplar, maqalalardı rásmiylestiriwde itibar qaratılıwı zárúr bolǵan máseleler boyınsha maǵlıwmatlar berildi.

Jaqın keleshekte birgeliktegi xalıqaralıq kólemdegi ilimiy-ámeliy konferenciya ótkeriw máseleleri boyınsha pikir almastı.

Ilimiy seminar mazmunlı hám soraw-juwaplarǵa bay tárizde ótti. Professor-oqıtıwshılar ózlerin qızıqtırǵan sorawlarına juwaplar aldı hám V.N.Shaydurovqa ózleriniń minnetdarshılıqların bildirdi.