Nızamiy atındaǵı Tashkent mámleketlik pedagogikalıq institutında belgili tyurkolog alım Axmet Baytursın ulınıń 150 jıllıǵına arnalǵan xalıqaralıq konferenciya bolıp ótti.

Konferenciyada Túrkiya Respublikası «TURKSOY» xalıqaralıq shólkeminiń juwaplı wákilleri de qatnastı.

Quwanıshlısı, ilajda Ájiniyaz atındaǵı Nókis mámleketlik pedagogikalıq institutı Túrkiy tiller fakulteti qazaq tili hám ádebiyatı kafedrasınıń baslıǵı, filologiya ilimleri boyınsha filosofiya doktorı (PhD) Írıstı Quttımuratova «TURKSOY» xalıqaralıq shólkeminiń Axmet Baytursın ulınıń 150 jıllıǵına arnalǵan medalı menen sıylıqlandı.

Í.Quttımuratova Ózbekstan, Qaraqalpaqstan, Túrkiya, Qazaqstan hám Baqurtstan Respublikalarındaǵı joqarı oqıw orınları hám ilimiy-izertlew orayları qánigeleri menen birgelikte islep shıǵılǵan «Qaraqalpaqsha-qazaqsha-bashqurtsha sózlik»tiń islep shıǵılıwına qosqan úlesi ushın usı medalǵa ılayıqlı dep tabıldı.

Óz gezeginde, Í.Quttımuratovanı bul jetiskenligi menen qutlıqlay otırıp, túrkiy xalıqlar arasında ilimiy, mádeniy baǵdarlarda birge islesiwdi rawajlandırıwǵa qosıp atırǵan úlesi ushın minnetdarshılıq bildiremiz.

NMPI baspasóz xızmeti.