ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qaraqalpaqstanda «Mehir háreketi» baslandı. NMPI jámááti usınday iygilikli jumıslardı bárqulla qollap-quwatlaydı

Qaraqalpaqstan Respublikası Joqarǵı Keńesiniń Baslıǵı Amanbay Orınbaev tárepinen iygilikli baslama kóterilip, barlıq rayonlardıń máhálle hám awıllarında jasaw sharayatları oǵada tómen bolǵan, járdemge mútáj shańaraqlar tez pursatlarda úyrenip shıǵıldı hám usınday awır sharayatta jasap atırǵan puqaralardıń jasaw jaǵdayın jaqsılaw, olardıń turmıs abadanlıǵın támiyinlew maqsetinde elimiz boylap «Mehir háreketi» baslandı.

Ájiniyaz atındaǵı Nókis mámleketlik pedagogikalıq institutı jámááti de usınday iygilikli baslama átirapında birlesip, járdemge mútáj shańaraqlarǵa hár tárepleme kómek beriw máselesin qollap-quwatlaydı.

Barlıq prorektorlar, fakultet dekanları hám orınbasarları, bólimler hám kafedralardıń baslıqları, sonday-aq, basqa da juwapker basshı xızmetkerler menen bolıp ótken jıynalısta kem támiyinlengen, járdemge mútáj, jasaw sharayatlardı oǵada tómen bolǵan shańaraqlarǵa járdem sıpatında qısqı kiyim-kenshekler, tutınıw buyımları, ásbap-úskeneler, azıq-awqat ónimleri hám t.b. kórinislerde kómek beriw máselesi kóterilip, aldaǵı wazıypalar belgilep alındı.

Bunda eń áhmiyetlisi, jaslar awqamı hám studentler keńesiniń jetekshi student-jasları óz ıqtıyarı menen volontyorlıq toparlardı shólkemlestirip, járdemge mútáj xojalıqlarǵa zárúr dep esaplaǵan hám toplanǵan kiyim-kenshekler hám azıq-awqatlıq zatlardı sol shańaraqlarǵa jetkerip beriwge tayar ekenligin málim etti.

Institut jámááti elimiz boylap baslanǵan «Mehir háreketi»nde belsendilik kórsetedi.

NMPI baspasóz xızmeti.