ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

10-dekabr – Ózbekstan Respublikası Mámleketlik gimni qabıl etilgen kún

Dúnyadaǵı hár qanday ǵárezsiz mámleket óziniń belgilerine, sonıń ishinde, Mámleketlik gimnine iye. Gimn haqqında sóz bolǵanda, dáslep onıń mánisine dıqqat awdarıw kerek boladı. «Gimn» sózi greksheden alınǵan bolıp, dástúriy xarakterdegi qosıqtı saltanatlı túrde atqarıw mánisin ańlatadı. Sol sebepli, bul atqarıwda xalıqtıń azatlıǵı, erkinligi jırlanǵan. Gimn aytılǵanda mámleketlerdiń bayraǵı jelbirep, xalıqtı tolqınlandıradı. Solay eken, mámleketlik belgiler – gerb, bayraq hám gimn xalıqtıń, mámlekettiń birligin, awırbirshiligin ańlatatuǵın simvollardıń biri bolıp tabıladı.

1992-jılı 10-dekabr kúni «Ózbekstan Respublikasınıń Mámleketlik gimni haqqında»ǵı nızamı qabıl etilgen edi. Búgin usı sánege 30 jıl tolmaqta.

Bayram múnásibeti menen Ájiniyaz atındaǵı Nókis mámleketlik pedagogikalıq institutınıń barlıq auditoriyalarında sabaqlar Mámleketlik gimnler atqarılıwı menen baslandı.

Instituttıń kishi májilisler zalında sánege arnalǵan ushırasıw hám úgit-násiyat ilajı bolıp ótti.

Ilajdı instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Q.Qodirov basqarıp bardı.

Ushırasıwda milliy ideya, ruwxıylıq tiykarları hám huqıq tálimi kafedrasınıń úlken oqıtıwshısı D.Bekimbetova, muzıkalıq tálim kafedrasınıń baslıǵı A.Allanovlar dúnya mámleketleri gimnleriniń payda bolıw tariyxı, bir-birinen ózgeshelikleri, Ózbekstan Respublikasınıń Mámleketlik gimniniń dóreliw tariyxı, búgingi kúndegi áhmiyeti, bul boyınsha nızamshılıqta belgilengen normalardıń mazmunı haqqında qatnasıwshı student-jaslar hám tyutorlarǵa keń túrde maǵlıwmatlar berdi.

NMPI baspasóz xızmeti.