Búgingi kúnde elimizde jas alımlarımızdıń jeterli ilimiy jumıs alıp barıwı ushın qolaylı sharayatlar jaratılǵan.

Ásirese, Ózbekstan Respublikası Ministrler Kabinetiniń «Ilimiy hám innovaciyalıq jumıs penen shuǵıllanıp atırǵan belsendi jaslardı qollap-quwatlaw ilajları haqqında»ǵı qararı bunıń ayqın dálili esaplanadı.

Qarar tiykarında Ózbekstan Respublikası Innovaciyalıq rawajlanıw ministrligi jáne Ilimdi qarjılandırıw hám innovaciyalardı qollap-quwatlaw qorı tárepinen járiyalanǵan jas alımlardı ilimiy stajirovkalarǵa jiberiw boyınsha járiyalanǵan tańlawda Ájiniyaz atındaǵı Nókis mámleketlik pedagogikalıq institutınıń assistent-oqıtıwshısı T.Oteev Sileziya universitetine (Chexiya) hám instituttıń tayanısh doktorantı R.Arziev Moskva mámleketlik universitetlerine (Rossiya) ilimiy stajirovkaǵa barıw imkaniyatın qolǵa kirgizip, tańlaw jeńimpazları boldı.

Institut rektorı B.Otemuratov tańlaw jeńimpazların qabıllap, olardıń ilimiy-izertlew jumıslarında tabıslar tiledi. Sonday-aq, instituttıń xalıqaralıq birge islesiw bólimi baslıǵı A.Bimbetov instituttıń xalıqaralıq birge islesiw baǵdarında ámelge asırılıp atırǵan jumıslar jóninde aytıp ótti.

NMPI baspasóz xızmeti.