Húrmetli professor-oqıtıwshılar, qádirli ata-analar hám student-oqıwshılar!
Gidrometeorologiyalıq xızmet orayınıń xabar beriwinshe, 10-yanvardan baslap hawa temperaturasınıń keskin tómenlewi dáwirinde xalıqtıń arasında, ásirese, bilimlendiriw shólkemlerinde máwsimlik gripp keselliginiń keskin artıp ketiwiniń aldın alıw maqsetinde joqarı hám professional bilimlendiriw mákemeleri, akademiyalıq liceylerdiń student-oqıwshıları ushın qısqı dem alıs múddeti 2023-jıl 18-yanvarǵa shekem uzaytıldı.
Sabaqlar 18-yanvardan baslanadı.
Bul dáwirde bilimlendiriw shólkemleriniń pedagog hám basqa xızmetkerlerine ámeldegi miynet haqı tólemleri saqlanıp qalınadı.
Sonday-aq, dem alıs kúnleri studentler ushın ilimiy maqalalar tayarlaw boyınsha onlayn seminarlar, ruwxıy-aǵartıwshılıq ilajları ótkeriledi.
Student-oqıwshılardıń óz bilimlendiriw mákemelerine qaytıwına qolaylı sharayatlar jaratıw maqsetinde avia hám temir jol biletleriniń tarif bóliminen 50 procentlik muǵdarda shegirme beriliwi múddeti de 2023-jıldıń 18-yanvarına shekem uzaytıldı.
Eń tiykarǵısı, 9-yanvarǵa shekem satıp alınǵan avia hám temir jol biletleri biypul tárizde tiyisli múddetke almastırıp beriledi.
Sonday-aq, dem alıs múddetiniń uzaytılıwı sebepli avia hám temir jollarda qosımsha orınlar (reysler) ajıratıladı.
Usı dáwirde belgilengen sabaqlar oqıw jılı dawamında tıǵızlastırılıp oqıtıladı.