ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

NMPI ilimiy isler hám innovaciyalar boyınsha prorektorı tayınlandı

Babaniyazova Nargiza Polatovna – Ájiniyaz atındaǵı Nókis mámleketlik pedagogikalıq institutı ilimiy isler hám innovaciyalar boyınsha prorektorı lawazımına tayınlandı.

Nargiza Babaniyazova 1983-jılı Nókis qalasında tuwılǵan. 2005-jılı Nókis mámleketlik pedagogikalıq institutınıń inglis tili hám ádebiyatı bakalavriat tálim baǵdarın, 2007-jılı Qaraqalpaq mámleketlik universitetiniń magistratura qánigeligin pitkergen.

2018-jılı pedagogika ilimleri boyınsha filosofiya doktorı (PhD) ilimiy dárejesin alǵan. 2014-jıldan 2019-jılǵa shekem institutta inglis tili hám ádebiyatı kafedrasınıń assistenti, kafedra docenti, 2019-jıldan usı kúnge shekem fakultetler aralıq shet tilleri kafedrasınıń baslıǵı sıyaqlı juwapker lawazımlarda jumıs isledi.

Onıń avtorlıǵında 12 sabaqlıq hám oqıw qollanba basıp shıǵarılǵan bolıp, 80 nen aslam ilimiy maqalaları respublikalıq hám xalıqaralıq kólemdegi abıroylı jurnallarda jarıq kórgen.

N.Babaniyazova 2016-2021-jıllar aralıǵında Erasmus + baǵdarlaması, AQSh hám Ózbekstan joqarı oqıw orınları menen birgelikte innovaciyalıq islenbelerdi qollap-quwatlaw, sonday-aq, Ózbekstan Respublikası Innovaciyalıq rawajlanıw ministrliginiń birneshe grant joybarlarında trener sıpatında jumıs alıp barǵan.

Ayrıqsha atap ótiw orınlı, N.Babaniyazova institut tariyxında hayal-qızlar arasınan birinshi márte tayınlanǵan prorektor bolıp esaplanadı.

NMPI baspasóz xızmeti.