ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

Dıqqat, tańlaw! NMPI studentleri arasında onlayn tárizde «Zakovat» intellektual oyını bolıp ótedi

Ájiniyaz atındaǵı Nókis mámleketlik pedagogikalıq institutında oqıp atırǵan student-jaslardıń qısqı dem alıs dáwirin mazmunlı ótkeriw maqsetinde 14-yanvar – Watan qorǵawshıları kúni hám Ózbekstan Respublikası Qurallı Kúshleriniń dúzilgenine 31 jıl tolıwı múnásibeti menen onlayn tárizde «Zakovat» intellektual oyını ótkeriledi.

Intellektual oyın 1 (bir) turdan ibarat boladı hám onda eń kóp ball toplaǵan komandalar jeńimpaz dep tabıladı. Komandalardıń nátiyjeleri teń bolıp qalǵan jaǵdayda qosımsha sorawlar oynaladı hám usı arqalı jeńimpaz komanda anıqlanadı.

Oyınǵa hár bir fakultetten bir komandadan qatnasıwı múmkin.

Komanda aǵzalarınıń sanı 6 (altı) adamnan kóp bolmawı kerek.

Komandalardıń quramı fakultet dekanları (magistratura hám sırtqı bólim baslıqları)nıń usınısı tiykarında dizimge alınadı.

Sorawlar «Zakovat» intellektual klubı Qaraqalpaqstan Respublikası koordinatorları tárepinen dúziledi.

Turnir 2023-jıl 16-yanvar kúni saat 21:00 de Telegram messendjeri arqalı ótkeriledi.

Oyında 1-orındı iyelegen komanda aǵzalarınıń hár birine bazalıq stipendiya muǵdarınıń 2 (eki) esesi, 2-orındı iyelegen komanda aǵzalarınıń hár birine bazalıq stipendiya muǵdarınıń 1 (bir) esesi, 3-orındı iyelegen komanda aǵzalarınıń hár birine bazalıq stipendiya muǵdarınıń 0,5 (yarım) esesi muǵdarında sıylıqlanadı.

Sıylıqlaw ilajı 2023-jıldıń yanvar ayınıń sońında bolıp ótedi.