ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Dıqqat, tańlaw! Studentler arasında onlayn tárizde maqalalar tańlawı ótkeriledi

Ájiniyaz atındaǵı Nókis mámleketlik pedagogikalıq institutında oqıp atırǵan student-jaslardıń qısqı dem alıs dáwirin mazmunlı ótkeriw maqsetinde 14-yanvar – Watan qorǵawshıları kúni hám Ózbekstan Respublikası Qurallı Kúshleriniń dúzilgenine 31 jıl tolıwı múnásibeti menen «Watanımnıń rawajlanıwına meniń úlesim» atamasında onlayn maqalalar tańlawı shólkemlestirilmekte.

Tańlaw 2023-jıl 7-18-yanvar kúnleri aralıǵında 2 basqıshta (fakultet hám institut) ótkerilip, studentlerdiń dóretiwshilik jumısları 2023-jıldıń 25-yanvar kúnine shekem (sol kúni de) qabıl etiledi.

Tańlawǵa institutta oqıp atırǵan studentler (magistrantlar) qatnasıwı múmkin.

Studentlerdiń dóretiwshilik jumısları fakultetlerde shólkemlestirilgen jumısshı topar aǵzaları tárepinen saylap alınadı hám múnásip dep tabılǵan studenttiń dóretiwshilik jumısı fakultet dekanınıń jaslar menen islesiw boyınsha orınbasarı tárepinen 2023-jıl 22-yanvar kúni saat 11:00 ge shekem instituttıń Jaslar menen islesiw, ruwxıylıq hám aǵartıwshılıq bólimine tapsırıladı.

Tańlaw jeńimpazları 2023-jıl 25-yanvar kúni instituttıń rásmiy veb-saytında járiyalanadı.

Tańlawda 1-orındı iyelegen student bazalıq stipendiya muǵdarınıń 2 (eki) esesi, 2-orındı iyelegen student bazalıq stipendiya muǵdarınıń 1 (bir) esesi, 3-orındı iyelegen student bazalıq stipendiya muǵdarınıń 0,5 (yarım) esesi muǵdarında sıylıqlanadı.