Ózbekstan Respublikası Energetika ministrligi tárepinen respublikamız boylap dawam etip atırǵan anomal suwıq temperatura sebepli qubırlarda gaz basımınıń keskin tómenlewi baqlanıp atırǵanlıǵı, sonlıqtan tábiyǵıy gazdi birinshi gezekte xalıqtıń turaq jayları, elektr energiyasın islep shıǵaratuǵın kárxanalar hám sociallıq taraw obyektlerine jetkerip beriw maqsetinde ayırım iri óndirislik sanaat kárxanalarına tábiyǵıy gaz jetkerip beriw kólemi keskin kemeytiliwi, sonday-aq, avtomobillerge gaz toltırıw kompressor shaqapshalarınıń jumısları qısqa múddetke waqıtsha toqtatılıwı haqqında xabar berildi.

Usıdan kelip shıǵıp, Ájiniyaz atındaǵı Nókis mámleketlik institutında student-jaslardıń oqıw procesine kelip-ketiwi menen baylanıslı transport mashqalaları júzege keliwin esapqa alǵan halda oqıw procesin 2023-jıldıń 16-yanvar kúninen baslaw jobalastırılmaqta.

Oqıw procesiniń baslanıwı hawa rayı hám energiya menen támiyinlew jumıslarına tikkeley baylanıslı bolǵanlıǵı sebepli bul haqqındaǵı qosımsha maǵlıwmatlardı institut rásmiy veb-saytı hám sociallıq tarmaqlardaǵı kanalları arqalı járiyalaymız.