Búgin, 23-yanvar kúninen baslap respublikamızdaǵı barlıq bilimlendiriw mákemeleri qatarında Ájiniyaz atındaǵı Nókis mámleketlik pedagogikalıq institutında oqıw procesi dástúriy tárizde baslandı.

Instituttıń studentler turaq jayı hám oqıw imaratlarındaǵı auditoriyalarda belgilengen jıllılıq normaları támiyinlengen bolıp, studentler ushın oqıwın dawam ettiriw hám juwmaqlawshı imtixanlarǵa tayarlıq kóriw ushın sharayatlar jaratılǵan.

1-kurs studentlerine pedagogikalıq hám tanısıw ámeliyatlarına jollama berilip, ámeliyat dawamında islenetuǵın jumıslar boyınsha tiyisli juwapkerler basshılıǵında túsinikler berilgen bolsa, 2-3-kurs studentlerine professor-oqıtıwshılar tárepinen juwmaqlawshı imtixanlarǵa tayarlıq kóriw boyınsha konsultaciyalar berilmekte. 4-kurs studentleri ádettegi sabaqların dawam ettirmekte.

Fotolar Mektepke shekemgi tálim fakultetinen túsirilgen.

NMPI baspasóz xızmeti.