Xabarıńız bar, usı jıldıń 20-yanvar kúni Ózbekstan Respublikası Prezidentiniń «Ishki isler uyımların xalıqshıl professional strukturaǵa aylandırıw hám xalıq penen bunnan bılay da jaqın birgelikte islewge baǵdarlaw boyınsha qosımsha ilajlar haqqında»ǵı qararı qabıl etildi.

Ájiniyaz atındaǵı Nókis mámleketlik pedagogikalıq institutı profilaktikalıq inspektorları B.Masharipov hám M.Narımbetovalar tárepinen usı qarardıń mazmunı hám áhmiyeti, onnan kelip shıǵıp ámelge asırılatuǵın jumıslar, sonday-aq, jaslar arasında jınayatshılıq hám huqıqbuzarlıqlardıń aldın alıw máselelerine arnalǵan úgit-násiyat jumısları alıp barılmaqta.

Dene mádeniyatı fakulteti studentleri menen bolıp ótken ushırasıwda qarar tiykarında qabıl etilgen Ishki isler uyımları xızmetkerleriniń kásiplik mádeniyat hám xızmet intizamı kodeksi, ishki isler uyımlarında xızmetke qabıl etiw boyınsha talabanlardı saylawdıń ádil, obektiv hám neytral sistemasın jaratıw, ornatılǵan tártiplerdi túp-tiykarınan ápiwayılastırıw hám byurokratiyalıq tosıqlardı saplastırıw boyınsha ámelge asırılatuǵın kompleksli ilajlar haqqında tolıq maǵlıwmatlar berildi.

Ushırasıwda studentler ózlerin qızıqtırǵan sorawlarǵa juwaplar aldı.