ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Magistratura qánigeliklerine yanvar ayındaǵı qabıllaw nátiyjeleri boyınsha oqıwǵa usınıs etilgen talabanlar dıqqatına!

2022-2023-oqıw jılı ushın Ájiniyaz atındaǵı Nókis mámleketlik pedagogikalıq institutınıń magistratura qánigeliklerine yanvar ayındaǵı qabıllawdıń nátiyjeleri boyınsha mámleketlik grant hám tólemli kontrakt tiykarında oqıwǵa usınıs etilgen talabanlar ushın oqıw procesi 2023-jıldıń 20-fevral (dúyshembi) kúninen baslanatuǵınlıǵın málim etemiz.

Talabanlar ózleri menen tómendegi hújjetlerdi alıp keliwi shárt:

– Magistratura qánigeligi kórsetilgen halda, institut rektorı atına arza;
– Joqarı maǵlıwmat haqqındaǵı hújjettiń túp nusqası (mámleketlik grant tiykarında oqıp pitkergen talabanlar ushın diplomnan kóshirme) hám onıń qosımshası;
– Pasport nusqası – 4 dana;
– 3,5 x 4,5 sm kólemindegi fotosúwret – 8 dana;
– Jumıs islegen yamasa islep atırǵanlar ushın miynet dáptershesiniń túp nusqası;
– Shet tilin biliw dárejesi boyınsha tiyisli milliy yamasa xalıqaralıq dárejedegi sertifikatınıń túp nusqası.

Sonı ayrıqsha esletip ótiwimiz kerek, qabıllaw nátiyjeleri boyınsha oqıwǵa usınıs etilgen talabanlar oqıw dawamında talap etilgen dárejedegi (B2, C1) shet tilin biliw dárejesi boyınsha tiyisli milliy yamasa xalıqaralıq dárejedegi sertifikattı alıwı shárt. Kerisinshe jaǵdayda, juwmaqlawshı mámleketlik attestaciyasına ruxsat berilmeydi.

NMPI baspasóz xızmeti.