ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Hayal-qızlar arasında sport jarısı bolıp ótti

Ájiniyaz atındaǵı Nókis mámleketlik pedagogikalıq institutında 8-mart – Xalıqaralıq hayal-qızlar kúni bayramı múnásibeti menen, sonday-aq, hayal-qızlar arasında sporttı, salamat turmıs tárizin keń en jaydırıw maqsetinde bir qatar ilajlar shólkemlestirilmekte.

Búgin, 6-mart kúni hayal-qızlardan ibarat professor-oqıtıwshılar arasında voleybol boyınsha jarıs bolıp ótti.

Institut rektorınıń hayal-qızlar máseleleri boyınsha másláhátshisi S.Bekchanova baslaması menen sport klubı hám kásiplik awqamı komiteti tárepinen ótkerilgen jarısqa hár bir fakultetten komandalar qatnasıp, jeńimpazlıq ushın óz ara kúsh sınastı.

Oǵada qızǵın bellesiwlerge bay bolǵan jarısta instituttıń Dene mádeniyatı fakulteti komandası 1-orındı iyeledi. 2-orın Mektepke shekemgi tálim fakulteti, al 3-orın Sırtqı bólim komandalarına nesip etti.

Jarıs juwmaǵında jeńimpazlar, sıylı orın iyeleri hám belsene qatnasqan hayal-qızlarǵa diplom jáne bayram sawǵaları tapsırıldı.

Institutta Xalıqaralıq hayal-qızlar kúni bayramına arnalǵan ilajlar dawam etpekte.

NMPI baspasóz xızmeti.