Ájiniyaz atındaǵı Nókis mámleketlik pedagogikalıq institutı studentler keńesi hám jaslar awqamı jetekshileri tárepinen 8-mart – Xalıqaralıq hayal-qızlar kúnine arnalǵan bayram keshesi hám kewilashar koncert baǵdarlaması shólkemlestirildi.

Ilajda instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Q.Qodirov, jaslar awqamı baslanǵısh shólkemi jetekshisi B.Gúlimbetov, fakultet dekanlarınıń orınbasarları sózge shıǵıp, jıynalǵanlardı hám barlıq hayal-qızlardı bayram menen qutlıqlap, olardıń mashaqatlı hám maqtanıshlı jumıslarında tabıslar tiledi.

Bayram keshesinde instituttıń talantlı studentleri atqarıwındaǵı koncert baǵdarlaması, hár qıylı kewilashar shoular, utıslı viktorina oyınları, jaslardı sergeklikke shaqıratuǵın saxnalıq kórinisler, házilkesh jigitlerdiń qızıqlı nomerleri shólkemlestirilip, keshe qatnasıwshılarına bayram keypiyatın baǵıshladı.

Keshede miyman bolǵan professor-oqıtıwshılar, tyutorlar hám student-jaslar mádeniy dem alıp, yoshlı qosıqlarǵa oyınǵa túsip, talantlı studentlerdiń saxnalıq kórinislerinen zawıq aldı.

Institutta bayram múnásibeti menen hár qıylı mádeniy-aǵartıwshılıq ilajları dawam etpekte.

NMPI baspasóz xızmeti.