NMPI Mektepke shekemgi tálim fakulteti mektepke shekemgi tárbiya hám defektologiya kafedrası janınan shólkemlestirilgen «Jas logopedler» dógeregi 2022-2023-oqıw jılı ushın dúzilgen joba tiykarında logopediya tarawı boyınsha studentlerge ámeliy bilimler berip kelmekte.

Náwbettegi dógerek sabaǵı «Artekulyaciyalıq organlardı tekseriw (diagnoz) hám artekulyaciyalıq shınıǵıwlardıń áhmiyeti» atamasında bolıp ótti.

Dógerek sabaǵına fakultet dekanı M.Allambergenova turaqlı qatnasıp, dógerek jetiskenliklerin ayrıqsha atap ótip, óz pikir-usınısların berip barmaqta.

Dógerek basshısı A.Tajimuratov studentler menen tıǵız baylanısta bolıp, olardıń teoriyalıq bilimlerin bekkemlep, ámeliyatta qollaw arqalı nátiyje alıwına járdem berip, olardıń logopediyaǵa degen qızıǵıwshılıqların arttırmaqta.

Dógerek aǵzası Z.Ashirova bul jerde alǵan bilimlerin ámeliyatta qollap, «R» sesin ayta almaytuǵın balada nátiyje kórsetip, tınıq sóylewine járdem bergeni haqqında studentler menen bólisti.

Bunday nátiyjeler studentlerde jáne de bilim alıwǵa bolǵan talpınıwın arttırıwı anıq.

«Jas logopedler» dógeregi usınday bilimge talpınıwshı studentler ortalıǵına aylanıp, óz jumısların ele de rawajlandırıp atır.