Jaslar isleri agentligi Qaraqalpaqstan Respublikalıq basqarması baslaması menen paytaxtımız Nókis qalasındaǵı mákan puqaralar jıyınları jaslar jetekshileri hám Ájiniyaz atındaǵı Nókis mámleketlik pedagogikalıq institutı student-jasları «Birgelikte tut egemiz» akciyasın shólkemlestirdi.

Elimizge báhár máwsimi kirip keliwi menen barlıq orınlarda bolǵanı sıyaqlı paytaxtımızdıń túrli orınlarında ótkerilip atırǵan abadanlastırıw hám kóklemzarlastırıw jumıslarına institutımız jámááti de belsene qatnaspaqta.

Búgingi ótkerilgen akciya sheńberinde Nókis qalasındaǵı 26-kishi rayon aymaǵına kóplegen tut tereginiń nálleri otırǵızıldı.

– Tut teregi hesh qanday topıraq saylamaytuǵın, otırǵızılǵan orınǵa tez túrde beyimlesip ketetuǵın, sonıń menen birge, qalamız kórkine kórk baǵıshlap, qoyıw sayası menen jazdıń ıssı kúnlerinde salqınlıq berip turatuǵın tereklerdiń biri bolıp tabıladı. Sonlıqtan, búgingi akciyada tut nállerin otırǵızıp atırmız. Jaslarımız qalamızdıń abadanlıǵı ushın xızmet etpekte, – deydi instituttıń Shet tilleri fakulteti dekanınıń orınbasarı Miyirxan Allaniyazova.

Abadanlastırıw hám kóklemzarlastırıw jumısları dawam etpekte.

NMPI baspasóz xızmeti.