ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

«Hár kúnimiz Nawrız bolsın!»: NMPIde súmelek seyili bolıp ótti

Búgin, 16-mart kúni Ájiniyaz atındaǵı Nókis mámleketlik pedagogikalıq institutı studentler turaq jayı aldında ulıstıń ullı kúni, shıǵıs xalıqlarınıń jasarıw hám jańalanıw áyyamı – Nawrız ulıwma xalıqlıq bayramı múnásibeti menen súmelek seyili bolıp ótti.

Seyilde úlken qazanlarda Nawrız taǵamı bolǵan súmelek, sonday-aq, palaw pisirilip, har bir fakultettiń milliy taǵamlardan ibarat kórgizbeleri shólkemlestirildi.

Bayram seyiline institut jámááti hám studentleri belsene qatnasıp, hár qıylı milliy hám yoshlı muzıkalarǵa ayaq-oyınlarǵa túsip, kewillerin kóterdi.

Ilajǵa institut rektorı Bayrambay Otemuratov basshılıǵında rektorat jámááti hám fakultetlerdiń basshıları da qatnasıp, ózleriniń bayram tileklerin bildirdi.

Studentler turaq jayında jasaytuǵın studentler ushın palaw tarqatıldı.

Institutta bayram seyilleri erteń, 17-mart kúni teatrlastırılǵan muzıkalı-xoreografiyalıq koncert baǵdarlaması hám xalıq seyilleri menen dawam etedi.

NMPI baspasóz xızmeti.