Qaraqalpaqstan Respublikası Konstituciyasınıń qabıl etilgenine 30 jıl tolıwı múnásibeti menen Ájiniyaz atındaǵı Nókis mámleketlik pedagogikalıq institutında «Siz Konstituciyanı bilesiz be?» atamasında tańlaw shólkemlestirildi.

Tańlawǵa instituttıń barlıq fakultetlerinen komandalar qatnasıp, sálemnama, «Bilimler sınaǵı» atamasındaǵı soraw-juwaplar, Bas nızamımızda belgilengen normalardı ózinde sáwlelendirgen saxnalıq kórinis sıyaqlı shártler boyınsha ózleriniń bilimlerin, tayarlıqların sınaqtan ótkerdi.

Hár bir shárt boyınsha studentlerdiń shıǵıwın tóreshiler quramı aǵzaları bahalap bardı.

Solay etip, tańlaw juwmaǵında Mektepke shekemgi tálim fakulteti studentleri 1-orındı iyelegen bolsa, 2-orın Túrkiy tiller, al 3-orın Shet tilleri fakulteti studentlerine nesip etti.

Jeńimpazlar, sıylı orın iyeleri hám barlıq qatnasıwshılar instituttıń kásiplik awqamı komiteti tárepinen sıylıqlandı.

NMPI baspasóz xızmeti.