Ájiniyaz atındaǵı Nókis mámleketlik pedagogikalıq institutında baslawısh tálim kafedrası tárepinen «Jańa Ózbekstan – Úshinshi Renessans» súreni tiykarında xalıqaralıq bilimlendiriw standartlarına tiykarlanǵan oqıw materialların úzliksiz bilimlendiriw sistemasına keń en jaydırıwdı optimallastırıw» atamasındaǵı xalıqaralıq ilimiy-teoriyalıq konferenciyası bolıp ótti.

Ilajdı instituttıń ilimiy isler hám innovaciyalar boyınsha prorektorı N.Babaniyazova basqarıp bardı hám institut rektorınıń konferenciya qatnasıwshılarına jollaǵan qutlıqlawın oqıp esittirdi.

Konferenciyanıń maqseti búgingi kúnde xalıqaralıq bilimlendiriw sistemasında ámelge asırılıp atırǵan reformalar, modernizaciyalaw hám innovaciyalar boyınsha óz ara pikir almasıw, sırt elli ilimpazlar, respublikamızdaǵı joqarı oqıw orınlarınıń professor-oqıtıwshıları, jas ilimpazlar, doktorant, qánige hám magistrantlardıń ilimiy-izertlew jumıslarınıń nátiyjeliligin jáne sapasın arttırıwdan ibarat.

Konferenciyanıń ashılıw plenar májilisinde Izrail, Rossiya, Ukraina, Qazaqstan hám respublikamızdıń birqatar jetekshi joqarı oqıw orınları, ilimiy-izertlew oraylarınıń ilimpazları hám professorları úzliksiz bilimlendiriw baǵdarında ámelge asırılıp atırǵan jumıslardıń áhmiyetine baǵıshlanǵan ilimiy maqalaların oqıdı.

Konferenciya sekciyalar boyınsha óz jumısın dawam ettirdi.

NMPI baspasóz xızmeti.