Ájiniyaz atındaǵı Nókis mámleketlik pedagogikalıq institutı Túrkiy tilleri fakultetiniń Qazaq tili hám ádebiyatı kafedrası jámááti tárepinen hár oqıw jılında dástúrge aylanǵan ilimiy-metodikalıq konferenciyalar xalıqaralıq sheńberde shólkemlestirilip kelinbekte.

2022-2023-oqıw jılında da, yaǵnıy usı jıldıń 20-21-aprel kúnleri kafedra jámááti «Zamanagóy filologiyanıń aktual máseleleri» atamasındaǵı xalıqaralıq ilimiy-metodikalıq onlayn hám oflayn konferenciyasın ótkerdi.

Konferenciyaǵa Qazaqstan Respublikasınıń Almatı qalasındaǵı Ál-Farabiy atındaǵı Qazaq milliy universitettiniń professorı, filologiya ilimleriniń doktorı Anarkúl Sılqınbay, Astana qalası L.N.Gumilyov atındaǵı Evraziya milliy universiteti professorları Magripa Eskeeva hám Gúlǵaysha Saǵidolda xanımlar qatnastı.

Sonday-aq, konferenciyada Ázerbayjan Respublikası Sumgait mámleketlik universiteti, Qazaqstan Respublikası Ál-Farabiy atındaǵı Qazaq milliy universiteti, L.N.Gumilyov atındaǵı Evraziya milliy universiteti, Abay atındaǵı Qazaq milliy pedagogikalıq universiteti, M.Áwezov atındaǵı Ádebiyat hám kórkem óner institutı, Xoja Axmet Yassawiy atındaǵı Xalıqaralıq qazaq-túrk universiteti, Xalıqaralıq Taraz innovaciyalıq universiteti, S.Seyfullin atındaǵı Qazaq agrotexnikalıq universiteti, Sh.Esenov atındaǵı Kaspiy texnologiyalar hám injiniring universiteti, Ózbekstan Milliy universiteti, Nizamiy atındaǵı Tashkent mámleketlik pedagogikalıq universiteti, Nawayı mámleketlik pedagogikalıq institutı, Berdaq atındaǵı Qaraqalpaq mámleketlik universiteti hám taǵı basqa da bilimlendiriw mákemeleriniń pedagogları, studentler ózleriniń ilimiy maqalaları menen qatnastı.