ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Ximiya hám biologiya pán olimpiadasınıń institut basqıshı bolıp ótti

Ájiniyaz atındaǵı Nókis mámleketlik pedagogikalıq institutı hám Qaraqalpaqstan Respublikası Xalıq bilimlendiriw ministrligi tárepinen tastıyıqlanǵan qospa qarar tiykarında ulıwma bilim beriw mektepleriniń pitkeriwshi klass oqıwshıları arasında ximiya hám biologiya boyınsha kóp basqıshlı pán olimpiadasınıń institut basqıshı bolıp ótti.

Oǵan dáslep rayonlıq, sońınan Qaraqalpaqstan Respublikası basqıshında joqarı nátiyjelerge erisken 10 oqıwshı qatnastı.

Pán olimpiadasınıń institut basqıshında belgilengen reje talaplarınan kelip shıǵıp ulıwma 100 ball toplaw imkaniyatın beretuǵın bes jazba imtixan sorawları hám bir laboratoriyalıq jumıs berildi.

Oqıwshılardıń nátiyjeleri instituttıń tájiriybeli professor-oqıtıwshıları tárepinen bahalandı.

Solay etip, ximiya hám biologiya pánleri olimpiadasınıń institut basqıshında ulıwma 91 ball toplaǵan Nókis qalasındaǵı 34-sanlı ulıwma orta bilim beriw mektebiniń 11-klass oqıwshısı M.Jiyenbaev 1-orındı iyeledi.

2-orın Qanlıkól rayonındaǵı 19-sanlı mekteptiń pitkeriwshisi D.Tursınbaevaǵa (84 ball), 3-orın Nókis qalasındaǵı 28-sanlı mekteptiń 11-klass oqıwshısı A.Utarbaevaǵa (81 ball) nesip etti.

Jeńimpaz oqıwshılar haqqındaǵı maǵlıwmatlar Joqarı bilimlendiriwdi rawajlandırıw izertlewleri hám aldınǵı texnologiyalardı engiziw orayına usınıs beriledi.

NMPI baspasóz xızmeti.