Búgin, 5-may kúni Ájiniyaz atındaǵı Nókis mámleketlik pedagogikalıq institutı Baslawısh tálim fakultetinde jámiyette salamat ruwxıy ortalıqtı bekkemlew hám korrupciyaǵa qarsı gúresiwde ata-analar menen tıǵız birge islesiwdi támiyinlew máselelerine arnalǵan ashıq esikler kúni bolıp ótti.

Ilaj fakultet studentleriniń tańlawlar hám sport jarısları, ilimiy konferenciyalarda qolǵa kirgizgen tabısları, qol óneri úlgileriniń kórgizbesi menen baslandı.

Ushırasıwda instituttıń korrupciyaǵa qarsı gúresiw «Komplaens qadaǵalaw» sistemasın basqarıw bólimi baslıǵı Palmurza Xojabekov, fakultettiń jámiyetlik keńesi baslıǵı Qalbay Seytmuratov, sonday-aq, kafedra baslıqları sózge shıǵıp, institutta oqıw procesinde korrupciyaǵa qarsı gúresiw baǵdarında ámelge asırılıp atırǵan jumıslar hám olardıń nátiyjeliligi haqqında ata-analarǵa maǵlıwmatlar berdi.

Sonıń menen birge, bul illetke qarsı birgelikte gúresiw maqsetinde aldaǵı wazıypalar dodalandı.

Usınday mazmundaǵı ushırasıwlar barlıq fakultetlerde ótkerilmekte.

NMPI baspasóz xızmeti.