Ájiniyaz atındaǵı Nókis mámleketlik pedagogikalıq institutı Tábiyǵıy pánler fakultetinde studentlerdiń ata-anaları ushın ashıq esikler kúni bolıp ótti.

Ilajǵa kelgen ata-analar dáslep fakultet studentleriniń respublikalıq hám xalıqaralıq tańlawlar, hár qıylı jarıslar, pán olimpiadalarında qolǵa kirgizgen tabısların ózinde jámlegen kórgizbe menen tanıstı.

Ashıq esikler kúni jámiyette sociallıq salamat ortalıqtı bekkemlew hám korrupciyaǵa qarsı gúresiw baǵdarında ámelge asırılıp atırǵan jumıslar hám aldaǵı waqıtlarda birgelikte islenetuǵın wazıypalardı dodalawǵa arnaldı.

Ushırasıwda instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov, korrupciyaǵa qarsı gúresiw «Komplaens qadaǵalaw» sistemasın basqarıw bólimi baslıǵı Palmurza Xojabekov sózge shıǵıp, jámiyette korrupciyaǵa qarsı salamat ruwxıy ortalıqtı engiziw, adamlardı korrupciyaǵa baǵdarlaytuǵın jaǵdaylardı saplastırıw, bunda tálim-tárbiyaǵa joqarı dárejede dıqqat awdarıw házirgi waqıtta kópshilik mámleketler tárepinen korrupciyanıń aldın alıwda eń durıs jol dep bahalanıp atırǵanın atap ótti.

Ilajda kún tártibindegi másele boyınsha ata-analar menen birge tıǵız islesiw máseleleri boyınsha pikir almasıldı.

Usı baǵdardaǵı ashıq esikler kúni barlıq fakultetler kesiminde dawam etpekte.

NMPI baspasóz xızmeti.