Ájiniyaz atındaǵı Nókis mámleketlik pedagogikalıq institutında «Teatr hápteligi» sheńberinde fakultetler arasında ótkerilip atırǵan studentler teatr-studiyaları tańlawında búgin, 6-may kúni Tábiyǵıy pánler hám Baslawısh tálim fakultetleriniń studentleri ózleriniń saxnalıq sheberliklerin kórsetti.

Ata-ana hám perzent arasındaǵı turmıslıq mashqalalar, analarǵa bolǵan húrmet, olardıń óz waqtında qádirine jetiw kerekligin turmıstaǵı bolatuǵın waqıyalar tiykarında saxnalastırǵan Tábiyǵıy pánler fakulteti studentleri «Analar jılamasın», al Baslawısh tálim fakulteti studentleri ómirlik joldasınan erte ayırılıp, perzentlerin jalǵız ózi baǵıp, tárbiya bergen ana hám perzentler arasındaǵı waqıyalardı «Ana júregi» atamasındaǵı saxnalıq kórinis arqalı tamashagóyler dıqqatına usındı.

Institutta «Teatr hápteligi» sheńberindegi tańlawlar dawam etpekte.

NMPI baspasóz xızmeti.