Ájiniyaz atındaǵı Nókis mámleketlik pedagogikalıq institutında 9-may – Eslew hám qádirlew kúni múnásibeti menen institutta jumıs islep atırǵan, sonday-aq, húrmetli dem alısta bolǵan nuranıy ustazlarǵa kásiplik awqamı komiteti tárepinen tayarlanǵan azıq-awqat ónimlerinen ibarat bolǵan bayram sawǵaları tapsırıldı.

Ilajda instituttıń oqıw isleri boyınsha prorektorı Mırzamurat Jumamuratov, kásiplik awqamı komiteti baslıǵı Kárimbay Gúlimbetovlar ustazlardı bayram menen qutlıqladı.

Húrmetli dem alısta bolǵan nuranıylar ushın sawǵalar hár bir fakultet dekanatları tárepinen úylerine barıp tarqatıldı.

Ilaj sońında instituttıń nuranıylar keńesi hám jámiyetlik keńesiniń baslıǵı, professor Qutlımurat Qochanov bayram qarsańında kórsetilip atırǵan itibar ushın institut rektoratı, miynet jámááti hám kásiplik awqamı komitetine nuranıylar atınan minnetdarshılıq bildirdi.

NMPI baspasóz xızmeti.