Ájiniyaz atındaǵı Nókis mámleketlik pedagogikalıq institutında ótkerilip atırǵan «Teatr hápteligi» sheńberinde eń sońǵı juplıq Túrkiy tiller hám Pedagogika fakultetleri studentler teatr-studiyaları saxnada óz sheberliklerin kórsetiwge háreket etti.

Dáslep saxnaǵa shıqqan Túrkiy tiller fakulteti studentleri «Ijarashılar» atamasındaǵı saxnalıq kórinis arqalı studentler turmısında jiyi ushırasatuǵın onlayn qumar oyınlarınıń unamsız aqıbetlerin aktyorlıq sheberlik penen atqarıp shıqqan bolsa, Ekinshi jer júzilik urıs dáwirindegi xalıqtıń awır turmısın kórsetip bergen Pedagogika fakulteti studentleri de tamashagóylerdiń kewlinde tolǵanıslardı payda etti.

Solay etip, háptelik sheńberinde barlıq fakultetlerdiń teatr-studiyaları óz saxnalıq kórinislerin juwmaqladı. Sıylıqlaw ilajı haqqında qosımsha maǵlıwmat beremiz.

NMPI baspasóz xızmeti.