Búgin, 12-may kúni Ájiniyaz atındaǵı Nókis mámleketlik pedagogikalıq institutı Dene mádeniyatı fakultetinde jámiyette sociallıq salamat ortalıqtı qáliplestiriw hám korrupciyaǵa qarsı gúresiw baǵdarında ámelge asırılıp atırǵan jumıslardı dodalawǵa baǵıshlanǵan ashıq esikler kúni ilajı bolıp ótti.

Ilajǵa fakultette bilim alıp atırǵan studentlerdiń ata-anaları, sonday-aq, fakultet dekanatı wákilleri, kafedra baslıqları, professor-oqıtıwshılar, tyutorlar qatnastı.

Ushırasıwda instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov, korrupciyaǵa qarsı gúresiw «Komplaens qadaǵalaw» sistemasın basqarıw bólimi baslıǵı Palmurza Xojabekovlar sózge shıǵıp, kún tártibindegi másele boyınsha institutta, sonday-aq, fakultette ámelge asırılıp atırǵan jumıslar haqqında maǵlıwmat berdi.

Sonıń menen birge, aldaǵı waqıtlarda oqıw procesinde korrupciyalıq jaǵdaylardıń aldın alıw baǵdarında birgelikte ámelge asırılatuǵın jumıslar haqqında pikir almasıldı.

NMPI baspasóz xızmeti.