ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Túrkiy tiller fakultetinde ashıq esikler kúni ilajı bolıp ótti

Ájiniyaz atındaǵı Nókis mámleketlik pedagogikalıq institutı Túrkiy tiller fakultetinde oqıp atırǵan studentlerdiń ata-anaları ushın ashıq esikler kúni ilajı shólkemlestirildi.

Jámiyette sociallıq salamat ortalıqtı engiziw hám korrupciyaǵa qarsı gúresiw baǵdarında ámelge asırılıp atırǵan jumıslardı dodalaw hám óz ara pikir almasıw maqsetinde ótkerilgen ushırasıwda fakultet dekanı Barlıqbay Davletov hám korrupciyaǵa qarsı gúresiw «Komplaens qadaǵalaw» sistemasın basqarıw bólimi baslıǵı Palmurza Xojabekov sózge shıǵıp, korrupciyaǵa baǵdarlaytuǵın jaǵdaylardı saplastırıw, bunda tálim-tárbiyaǵa joqarı dárejede dıqqat awdarıw házirgi waqıtta kópshilik mámleketler tárepinen korrupciyanıń aldın alıwda eń durıs jol dep bahalanıp atırǵanın atap ótti.

Sonday-aq, institutta bul baǵdarda islenip atırǵan jumıslar haqqında maǵlıwmat berip, ata-analardı birge islesiwge shaqırdı.

Ushırasıwda belsendi studentlerge húrmet jarlıqları tapsırıldı.

NMPI baspasóz xızmeti.