Usı jıldıń 14-18-may kúnleri Ferǵana qalasında «Universiada-2023» sport oyınlarınıń jeńil atletika boyınsha respublikalıq final basqıshı bolıp ótti.

Onda Qaraqalpaqstan Respublikası saylandı komandası aǵzaları ulıwma 6 altın, 7 gúmis hám 1 qola medalların jeńip aldı.

Atap aytqanda, qızlar arasında:

– 100 metr aralıqqa baryerden ótip juwırıw boyınsha Munisa Oktyabrova 1-orın (NMPI);
– 200 metrge juwırıwdan Rano Jamǵırbaeva 2-orın (NMPI);
– Yadro ılaqtırıw boyınsha Nargiza Turdıniyazova 2-orın (QMU);
– 4×100 metr aralıqqa estafetalıq juwırıwdan Rano Jamǵırbaeva, Laylo Egamberdieva, Dildora Asherbaeva, Munisa Oktyabrovalardan ibarat qızlar komandası 2-orın (NMPI);
– 4×400 metr aralıqqa estafetalıq juwırıwdan Rano Jamǵırbaeva, Dildora Asherbaeva, Munisa Oktyabrova, Shaxrizada Shukurullaevalardan ibarat qızlar komandası 1-orındı iyelegen bolsa (NMPI);

Erler arasında:

– Diyarbek Shamuratov 800 metrge juwırıwdan 2-orın, al 1 500 metrge juwırıw boyınsha 1-orın (QMU);
– 110 metr aralıqqa baryerden ótip juwırıw boyınsha Mirjan Abdijaliev 3-orındı iyeledi (QMU).

Áhmiyetlisi, respublikamız komandası quramında qatnasqan Ájiniyaz atındaǵı Nókis mámleketlik pedagogikalıq institutı studentleri de jarısta joqarı nátiyjelerdi qolǵa kirgiziwge múnásip úleslerin qostı.

Sportshılardı jarısqa trenerler Arzubay Jumanov hám Barlıqbay Jumanovlar tayarladı.

NMPI baspasóz xızmeti.