«Universiada» oyınlarında jaqsı nátiyjege erisken regbishi sportshılar kútip alındı
Xabarıńız bar, Tashkent qalasında joqarı oqıw orınları studentleri arasında regbi-7 boyınsha bolıp ótken «Universiada-2023» sport jarıslarınıń respublikalıq final basqıshında Ájiniyaz atındaǵı Nókis mámleketlik pedagogikalıq institutı hám Berdaq atındaǵı Qaraqalpaq mámleketlik universiteti studentlerinen ibarat Qaraqalpaqstan Respublikası saylandı komandası 3-orındı iyelep, qol medalların qolǵa kirgizgen edi.
Búgin, 25-may kúni Nókis temir jol vokzalında keń jámiyetshilik wákilleri qatnasıwında sportshılardı kútip alıw ilajı bolıp ótti.
Onda sózge shıqqanlar saylandı komanda aǵzaların qolǵa kirgizgen tabısları menen qutlıqlap, aldaǵı jarıslarda áwmet tiledi.
Esletip ótemiz, «Universiada» sport oyınları qatarında birinshi márte ótkerilgen jarısqa Qaraqalpaqstan Respublikası saylandı komandası múnásip qatnasıp, Samarqand, Nawayı wálayatları hám Tashkent qalası komandaların jeńip shıqtı. Ferǵana wálayatı komandası menen bolıp ótken yarım final oyınında komandamızǵa biraz áwmet jetispegen bolsa, 3-orın ushın ótkerilgen jarısta jerleslerimiz Namangan wálayatı komandasına hesh qanday imkaniyat qaldırmadı.
Komandanı jarısqa trener Jetkerbay Bazarov hám NMPI sport klubı baslıǵınıń orınbasarı Atabay Erejepovlar tayarladı.
NMPI baspasóz xızmeti.