🔰 Xabarıńız bar, Prezidenttiń 2022-jıl 22-iyundaǵı PQ-289-sanlı qararına muwapıq, pedagogika tarawındaǵı tálim baǵdarlarına sırtqı bilimlendiriw forması boyınsha oqıwǵa bilimlendiriw sistemasında pedagogikalıq jumıslarǵa baylanıslı keminde bes jıllıq miynet stajına iye bolǵan adamlar qabıl etiledi.

📌 Mámleketlik komissiyasınıń tiyisli protokolı tiykarında sırtqı bilimlendiriw formasına pedagogikalıq jumıslarǵa baylanıslı keminde 5 jıllıq miynet stajına iye bolǵan abiturientler qabıl etiletuǵın bakalavriat tálim baǵdarlarınıń dizimi tastıyıqlandı. Bular:

🔹 baslawısh tálim;
🔹 súwretlew óneri hám injenerlik grafikası;
🔹 muzıkalıq tálim;
🔹 dene mádeniyatı;
🔹 texnologiyalıq tálim.

✅ Bunda usı tálim baǵdarlarınıń sırtqı bilimlendiriw formasına xalıq bilimlendiriw sistemasında keminde 5 jıllıq miynet stajına iye bolıp, házirgi waqıtta usı sistemada jumıs alıp barıp atırǵan pedagog xızmetkerler abiturient sıpatında dizimnen ótiwi belgilendi.

👨🏻💻 Basqa tálim baǵdarları ushın bolsa pedagogikalıq jumıslarǵa baylanıslı keminde 5 jıllıq miynet stajı talap etilmeydi hám olarǵa qálegen abiturient onlayn dizimnen ótiwi múmkin.

NMPI baspasóz xızmeti.