Kásiplik awqamı komitetiniń jumısları haqqında maǵlıwmat berildi

NMPI kásiplik awqamı komiteti stipendiyasınıń jeńimpazı, Tariyx fakulteti milliy ideya, ruwxıylıq tiykarları hám huqıq tálimi baǵdarınıń 3-kurs studenti Náwbáhár Muftullaeva student-jaslar arasında kásiplik awqamınıń jumısları haqqında túsindiriw hám úgit-násiyat jumısların, sonıń menen birge, «Miynet shártnaması» haqqında túsindiriw jumısların alıp bardı.

Ilaj sheńberinde student-jaslardıń bilimin sınaw maqsetinde «Kásiplik awqamı – kásipler qorǵanı» atamasında jarıs shólkemlestirildi.

Maǵlıwmat ornında atap ótiw kerek, búgingi kúnde instituttıń kásiplik awqamı aǵzaları sanı 19 mıńnan aslamdı quraydı.

Institut xızmetkerleri ushın jeterli miynet sharayatların jaratıp beriwdi qadaǵalaw kásiplik awqamı komiteti jumıslarınıń baslı baǵdarlarınıń biri bolıp, bunda jumıs islewshilerge miynet etiw, oqıtıw, studentlerge bilim alıw sharayatın jaratıwda Ózbekstan Respublikası «Miynetti qorǵaw haqqında»ǵı nızamı hám huqıqıy-normativlik hújjetler talapların orınlaw baǵdarında da unamlı jumıslar ámelge asırılmaqta.

Ilajda studentler ózlerin qızıqtırǵan sorawlarǵa juwap aldı.