ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

Pedagogikalıq jumıslarǵa baylanıslı miynet stajı qalay anıqlanadı?

📌 Sırtqı bilimlendiriw formasındaǵı tómendegi tálim baǵdarlarına oqıwǵa kiriw ushın pedagogikalıq jumıslarǵa baylanıslı keminde 5 jıllıq miynet stajı talap etiledi:

🔹 baslawısh tálim;
🔹 súwretlew óneri hám injenerlik grafikası;
🔹 muzıkalıq tálim;
🔹 dene mádeniyatı;
🔹 texnologiyalıq tálim.

👨🏻💻 Usı tálim baǵdarlarına xalıq bilimlendiriw sistemasında keminde 5 jıllıq miynet stajına iye bolıp, házirgi waqıtta usı sistemada jumıs alıp barıp atırǵan pedagog xızmetkerler abiturient sıpatında dizimnen ótiwi múmkin.

🖥 Abiturientlerdiń usı kategoriyaǵa kiriwi yamasa kirmeytuǵınlıǵı Mektepke shekemgi hám mektep bilimlendiriw ministrliginiń tiyisli málimleme sisteması arqalı anıqlanadı.

✅ Abiturient dizimnen ótken waqıtta ministrliktiń málimleme sistemasına real waqıt rejiminde soraw jiberilip, 5 jıllıq pedagogikalıq stajǵa iye ekenligi tastıyıqlanǵan abiturientlerge usı baǵdarlardı tańlawǵa ruxsat beriledi.

❗️ Eger abiturient 5 jıllıq pedagogikalıq stajǵa iye bolsa, biraq sistemada bul tastıyıqlanbasa ózi jumıs isleytuǵın bilimlendiriw mákemesine (mektepke) múrájat etiwi kerek.

❇️ Basqa tálim baǵdarları ushın bolsa pedagogikalıq jumıslarǵa baylanıslı keminde 5 jıllıq miynet stajı talap etilmeydi hám olarǵa qálegen abiturient onlayn dizimnen ótiwi múmkin.

NMPI baspasóz xızmeti.