ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

Shet tilinen kásiplik (dóretiwshilik) imtixan formatı hám test úlgileri

Xabarıńız bar, Ózbekstan Respublikası Ministrler Kabinetiniń 2022-jıl 19-yanvardaǵı «Shet tillerin úyreniwdi jetilistiriw boyınsha qosımsha ilajlar haqqında»ǵı 34-sanlı qararına muwapıq, 2022-2023-oqıw jılı qabıllawınan baslap Ózbekstandaǵı birneshe joqarı oqıw orınları qatarında shet tilleri boyınsha kadrlar tayarlawǵa qánigelestirilgen Ájiniyaz atındaǵı Nókis mámleketlik pedagogikalıq institutınıń 60111800 – Shet tili hám ádebiyatı: inglis tili bakalavriat tálim baǵdarına kiriw imtixanlarında shet tili páninen tıńlap túsiniw, oqıw, jazıw hám sóylew kompetenciyaların anıqlaw jáne bahalawǵa baǵdarlanǵan kásiplik (dóretiwshilik) imtixan ótkeriliwi belgilengen edi. 

Búgingi kúnde Bilim hám mamanlıqtı bahalaw agentliginiń my.uzbmb.uz saytı hám Birden-bir mámleketlik interaktiv xızmetler portalı – my.gov.uz platforması arqalı abiturientler onlayn tárizde dizimnen ótpekte.

Shet tilinen kásiplik (dóretiwshilik) imtixan ótkeriletuǵın bakalavriat tálim baǵdarlarına onlayn dizimnen ótiw 10-iyulǵa shekem (sol kúni kúni de) ámelge asırıladı. 

Biz abiturientlerden kelip túsip atırǵan sorawlardı esapqa alıp, shet tilinen kásiplik (dóretiwshilik) imtixan ótkeriw tártibi haqqında maǵlıwmatlar berip ótpekshimiz.

Imtixan 2 saat 45 minut dawam etedi hám tómendegi bólimlerden ibarat boladı:

1-bólim: Tıńlap túsiniw (45 minut/5 bólim/30 soraw);

2-bólim: Oqıw (60 minut/5 bólim/30 soraw);

3-bólim: Jazıw (45 minut/2 tapsırma/30 ball);

4-bólim: Sóylew (15 minut/3 bólim/30 ball).

Shet tili páninen kásiplik (dóretiwshilik) imtixan Bilim hám mamanlıqtı bahalaw agentligi tárepinen ámelge asırıladı.

Bilim hám mamanlıqtı bahalaw agentliginiń rásmiy veb-saytına kásiplik (dóretiwshilik) imtixan formatı (barlıq tiller ushın) hám test úlgileri (inglis, francuz, arab hám nemis tillerinen) ornalastırılǵan bolıp, olar menen tómendegi siltemeler arqalı tanısıwıńız múmkin:

👉 https://uzbmb.uz/page/format_kasbiy

👉 https://uzbmb.uz/page/test_namunalari_kasbiy

▶️ Shet tilinen dóretiwshilik imtixan ótkeriletuǵın baǵdarlar dizimi:

 

🖥 Shet tilinen dóretiwshilik imtixanlardı ótkeriw tártibi:

  

NMPI baspasóz xızmeti.