2023-2024-oqıw jılında respublikalıq joqarı oqıw orınları bakalavriatınıń kúndizgi bilimlendiriw forması boyınsha mámleketlik buyırtpası tiykarında oqıwǵa qabıllaw parametrlerinen mámleketlik grant tiykarındaǵı qabıllaw kórsetkishleri sheńberinde xalıq bilimlendiriw tarawında joqarı maǵlıwmatlı kadrlarǵa talap joqarı bolǵan aymaqlar ushın maqsetli qabıllaw parametrleri tastıyıqlandı.

Usı tiykarda Ájiniyaz atındaǵı Nókis mámleketlik pedagogikalıq institutına bakalavriattıń kúndizgi 11 tálim baǵdarına Tórtkúl, Taxtakópir, Moynaq, Ellikqala hám Bozataw rayonları ushın ulıwma 31 mámleketlik grant ornı maqsetli qabıllaw ushın ajıratıldı.

Atap aytqanda:

60110600 – Matematika hám informatika tálim baǵdarınıń qaraqalpaq toparı ushın ulıwma 4 mámleketlik grant ornı:
Tórtkúl rayonına – 1 orın;
Taxtakópir rayonına – 1 orın;
Moynaq rayonına – 2 orın.

60110700 – Fizika hám astronomiya tálim baǵdarınıń qaraqalpaq toparı ushın ulıwma 2 mámleketlik grant ornı:
Taxtakópir rayonına – 1 orın;
Moynaq rayonına – 1 orın.

60110800 – Ximiya tálim baǵdarınıń qaraqalpaq toparı ushın ulıwma 2 mámleketlik grant ornı:
Taxtakópir rayonına – 1 orın;
Ellikqala rayonına – 1 orın.

60110900 – Biologiya tálim baǵdarınıń qaraqalpaq toparı ushın ulıwma 1 mámleketlik grant ornı:
Tórtkúl rayonına – 1 orın.

60111100 – Tariyx tálim baǵdarınıń qaraqalpaq toparı ushın ulıwma 3 mámleketlik grant ornı:
Tórtkúl rayonına – 3 orın.

60111000 – Geografiya hám ekonomikalıq bilim tiykarları tálim baǵdarınıń qaraqalpaq toparı ushın ulıwma 1 mámleketlik grant ornı:
Moynaq rayonına – 1 orın.

60112100 – Milliy ideya, ruwxıylıq tiykarları hám huqıq tálimi baǵdarınıń qaraqalpaq toparı ushın ulıwma 3 mámleketlik grant ornı:
Tórtkúl rayonına – 1 orın;
Moynaq rayonına – 1 orın;
Ellikqala rayonına – 1 orın.

60110100 – Pedagogika tálim baǵdarınıń qaraqalpaq toparı ushın ulıwma 2 mámleketlik grant ornı:
Tórtkúl rayonına – 1 orın;
Ellikqala rayonına – 1 orın.

60111500 – Ana tili hám ádebiyatı: Rus tili hám ádebiyatı tálim baǵdarı ushın ulıwma 8 mámleketlik grant ornı:
Bozataw rayonına – 2 orın;
Tórtkúl rayonına – 2 orın;
Taxtakópir rayonına – 1 orın;
Moynaq rayonına – 1 orın;
Ellikqala rayonına – 2 orın.

60111800 – Shet tili hám ádebiyatı: inglis tili tálim baǵdarınıń qaraqalpaq toparı ushın ulıwma 4 mámleketlik grant ornı:
Bozataw rayonına – 1 orın;
Tórtkúl rayonına – 3 orın.

60110500 – Baslawısh tálim baǵdarınıń qaraqalpaq toparı ushın ulıwma 1 mámleketlik grant ornı:
Bozataw rayonına – 1 orın.

Maqsetli qabıllaw qalay ámelge asırıladı?

Maqsetli qabıllawdı saylaǵan abiturient usı tálim baǵdarı boyınsha hám maqsetli (abiturienttiń turaqlı jasaw aymaǵı ushın maqsetli qabıllaw parametrleri ajıratılǵan bolsa), hám ulıwmalıq tańlawda qatnasadı.

Maqsetli qabıllawdı tańlamaǵan abiturient bolsa usı tálim baǵdarı boyınsha ulıwmalıq tańlawda qatnasadı, biraq maqsetli tańlawda qatnasa almaydı.

Tómendegi súwret arqalı maqsetli qabıllaw qalay ámelge asırılıwı boyınsha tolıq maǵlıwmatqa iye bolıwıńız múmkin.

NMPI baspasóz xızmeti.