ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

NMPIde shet tilinen kásiplik (dóretiwshilik) imtixanları bolıp ótpekte

Xabarıńız bar, Ájiniyaz atındaǵı Nókis mámleketlik pedagogikalıq institutınıń 60111800 – Shet tili hám ádebiyatı: inglis tili bakalavriat tálim baǵdarına kiriw imtixanlarında shet tili páninen tıńlap túsiniw, oqıw, jazıw hám sóylew kompetenciyaların anıqlaw jáne bahalawǵa baǵdarlanǵan kásiplik (dóretiwshilik) imtixan ótkeriliwi belgilengen edi.

Usı jıldıń 17-iyul kúninen baslap institutta kásiplik (dóretiwshilik) imtixanı baslandı.

✅ Imtixan 2 basqıshta shólkemlestirilmekte:

➖ 17-20-iyul kúnleri aralıǵında ótkeriletuǵın birinshi basqıshta abiturientler sóylew kónlikpelerin bahalaw imtixanın tapsırıwı belgilengen bolsa;

➖ 21-23-iyul kúnleri aralıǵında tıńlap túsiniw, oqıw hám jazıw kónlikpelerin bahalaw imtixanı bolıp ótedi.

Shet tili páninen kásiplik (dóretiwshilik) imtixan Bilim hám mamanlıqtı bahalaw agentligi tárepinen ámelge asırılmaqta.

NMPI baspasóz xızmeti.