2023-2024-oqıw jılı qabıllawında Ájiniyaz atındaǵı Nókis mámleketlik pedagogikalıq institutında ótkeriletuǵın kásiplik (dóretiwshilik) imtixanlar kestesi tastıyıqlandı.

Kásiplik (dóretiwshilik) imtixanlar usı jıldıń 24-iyul kúni baslanıp, 1-avgustqa shekem dawam etiwi jobalastırılǵan.

Imtixanlar tómendegi kórsetilgen orınlarda ótkeriledi:

60111200 – Súwretlew óneri hám injenerlik grafikası tálim baǵdarı (barlıq toparlar) ushın:

Mánzil: Nókis qalası, P.Seytov kóshesi nomersiz jay, NMPI bas imaratı sport zalı;

Geolokaciya: https://goo.gl/maps/yN13TCBT4rYQVVxBA

60111300 – Muzıkalıq tálim baǵdarı (barlıq toparlar) ushın:

Mánzil: Nókis qalası, P.Seytov kóshesi nomersiz jay, NMPI bas imaratı kishi zalı;

Geolokaciya: https://goo.gl/maps/yN13TCBT4rYQVVxBA

60112200 – Dene mádeniyatı hám sonıń ishinde, hayal-qızlar sportı tálim baǵdarı (barlıq toparlar) ushın:

Mánzil: Nókis qalası, Shımbay gúzarı kóshesi 121/1-jay, Nókis olimpiya hám paralimpiya sport túrlerine tayarlaw orayınıń stadionı;

Geolokaciya: https://goo.gl/maps/YjUJrv1VJR1eqEgU9

60111900 – Mektepke shekemgi hám baslawısh tálimde dene tárbiyası hám sport tálim baǵdarı (barlıq toparlar) ushın jeńil atletika boyınsha:

Mánzil: Nókis qalası, Shımbay gúzarı kóshesi 121/1-jay, Nókis olimpiya hám paralimpiya sport túrlerine tayarlaw orayınıń stadionı;

Geolokaciya: https://goo.gl/maps/YjUJrv1VJR1eqEgU9

60111900 – Mektepke shekemgi hám baslawısh tálimde dene tárbiyası hám sport tálim baǵdarı (barlıq toparlar) ushın gimnastika boyınsha:

Mánzil: Nókis qalası, P.Seytov kóshesi nomersiz jay, NMPI bas imaratı sport zalı;

Geolokaciya: https://goo.gl/maps/yN13TCBT4rYQVVxBA

Kásiplik (dóretiwshilik) imtixanlardıń toparlar kesiminde ótkeriliw sáneleri menen tómendegi keste arqalı tanısıwıńız múmkin.

Kásiplik (dóretiwshilik) imtixanlar kestesin PDF formatta júklep alıń 👉 NMPI_kásiplik_dóretiwshilik_imtixanlardı_ótkeriw_kestesi_2023_2024

Eskertiw:
1) Abiturient imtixanǵa ózi menen puqaralıq pasportı (yamasa ID-kartası) hám abiturientti dizimge alıw betin alıp keliwi shárt.
2) Belgilengen waqıttan keshikken abiturient imtixanǵa kirgizilmeydi hám kelesi imtixanǵa ótkerilmeydi.
3) Súwretlew óneri hám injenerlik grafikası tálim baǵdarı boyınsha abiturientler «Reńli súwret» páninen akvarel boyaw hám mayqálemlerin (kistochka) ózleri menen alıp keliwi shárt.
4) Muzıkalıq tálim baǵdarı boyınsha abiturientler «Saz atqarıwshılıǵı» páninen saz ásbapların ózleri menen alıp keliwi shárt.

Kásiplik (dóretiwshilik) imtixanlarǵa qatnasatuǵın abiturientlerdiń dizimnen ótken telefon nomerlerine qońıraw etiw arqalı imtixan kúnleri haqqında qosımsha maǵlıwmatlar beriledi. Sol sebepli kásiplik (dóretiwshilik) imtixan tapsıratuǵın abiturientlerden telefon nomerlerin qosıp qoyıwın soraymız.

Kásiplik (dóretiwshilik) imtixanlar nátiyjeleri boyınsha apellyaciyalıq shaǵımlar imtixan nátiyjeleri járiyalanǵannan baslap 24 saat ishinde qabıl etiledi.

NMPI baspasóz xızmeti.