Ájiniyaz atındaǵı Nókis mámleketlik pedagogikalıq institutında 2023-2024-oqıw jılı ushın abiturientlerden hújjetlerdi qabıllaw, kásiplik (dóretiwshilik) imtixanlardı ótkeriw hám studentlikke qabıllawdı joqarı dárejede shólkemlestiriw maqsetinde shólkemlestirilgen qabıllaw komissiyasınıń tiyisli juwapkerleri hám aǵzaları qatnasıwında dóńgelek stol sáwbeti bolıp ótti.

Qabıllaw processlerin ashıq-aydın hám ádil túrde ótkeriwge baǵıshlanǵan ilajdı instituttıń Korrupciyaǵa qarsı gúresiw «Komplaens-qadaǵalaw» sistemasın basqarıw bólimi baslıǵı Palmurza Xojabekov alıp bardı.

Dóńgelek stol sáwbeti barısında 2023-2024-oqıw jılı ushın qabıllaw procesiniń ashıq-aydın hám ádil ótiwin támiyinlew, abiturientler hám olardıń ata-anaların qızıqtırǵan sorawlarǵa tolıq hám túsinikli etip juwap beriw, korrupciyalıq jaǵdaylarǵa jol qoymaw, olardıń aldın alıw boyınsha pikir almasıldı hám juwapker xızmetkerlerge tiyisli kórsetpeler berildi.

Ilaj dawamında qabıllaw komissiyası juwaplı xatkeri P.Kalxanov juwaplı xatker orınbasarları A.Embergenov, A.Utepbergenov hám R.Awezovalar sɵzge shıǵıp, ɵz pikirleri hám usınısların bildirdi.