Ájiniyaz atındaǵı Nókis mámleketlik pedagogikalıq institutı sport zalında bakalavriattıń 60112200 – Dene mádeniyatı tálim baǵdarına qabıllaw ushın kózi ázzi hám fizikalıq imkaniyatı sheklengen abiturientler qatnasıwında kásiplik (dóretiwshilik) imtixanı ótkerildi.

Imtixanda abiturientler belgilengen imtixan baǵdarlamasına muwapıq 3 kilogrammlıq toptı aralıqqa ılaqtırıw, uzınlıqqa sekiriw, turnikte tartılıw, sonday-aq, polǵa tayanǵan halda qollardı búgip-jazdırıw, 400 metr aralıqqa juwırıw boyınsha óz imkaniyatların sınap kórdi.

Imtixan barısı abiturientlerdiń ata-anaları, sonday-aq, jámiyetlik shólkemlerdiń wákilleri tárepinen qadaǵalap barıldı.

NMPI baspasóz xızmeti.