Xabarıńız bar, usı jıldıń 24-iyul kúninen baslap Ájiniyaz atındaǵı Nókis mámleketlik pedagogikalıq institutında 2023-2024-oqıw jılı qabıllawında bakalavriattıń ayrıqsha qábilet talap etiletuǵın tálim baǵdarlarına kásiplik (dóretiwshilik) imtixanları bolıp ótpekte.

Búgin, 29-iyul kúni bakalavriattıń 60111900 – Mektepke shekemgi hám baslawısh tálimde dene tárbiyası hám sport tálim baǵdarına hújjet tapsırǵan abiturientler qatnasıwında kásiplik (dóretiwshilik) imtixanı ótkerildi.

Abiturientler imtixanda jeńil atletika, atap aytqanda, 100 metr aralıqqa juwırıw hám 4×10 metr aralıqqa juwırıp barıp-qaytıw boyınsha ózleriniń fizikalıq tayarlıqların sınaqtan ótkerdi.

Imtixanlardıń ádil hám ashıq-aydın ótkeriliwi ata-analar hám jámiyetlik shólkemlerdiń wákilleri tárepinen qadaǵalap barıldı.

Maǵlıwmat ornında atap ótiw orınlı, usı tálim baǵdarı boyınsha kásiplik (dóretiwshilik) imtixannıń ekinshi basqıshı gimnastikadan 30-iyul kúni institut sport zalında ótkeriliwi belgilengen.

NMPI baspasóz xızmeti.