🖥 Bilimdi bahalaw agentliginiń mandat.uzbmb.uz saytına 2023-2024-oqıw jılında joqarı oqıw orınlarınıń bakalavriatına oqıwǵa kiriw ushın onlayn dizimnen ótken abiturientler haqqındaǵı maǵlıwmatlar ornalastırıldı.

👨🏻💻 Endi abiturientler usı sayt arqalı tiyisli joqarı oqıw ornı, tálim baǵdarı, bilimlendiriw tili hám bilimlendiriw formasın tańlaǵan halda usı tálim baǵdarına qansha abiturient dizimnen ótkenin hám bir orınǵa tańlawdı kóriwi múmkin.

✅ Sonday-aq, abiturientlerdi ID nomeri arqalı izlew imkaniyatı da jaratılǵan bolıp, «Tolıq maǵlıwmat (Batafsil)» túymesi basılǵanda tómendegi maǵlıwmatlar kórsetiledi:

👉 abiturient tańlaǵan joqarı oqıw ornı;
👉 joqarı oqıw orınları sheńberinde tańlaǵan tálim baǵdarları;
👉 tálim baǵdarları qaysı bilimlendiriw formaları sheńberinde saylanǵanı;
👉 mámleketlik grant tiykarındaǵı qabıllaw rejesi;
👉 tólemli kontrakt tiykarındaǵı qabıllaw rejesi;
👉 bilimlendiriw tili (test tapsırmaları sol tilde beriledi);
👉 tańlaw ústemligi (tańlaw qalay ámelge asırılıwı).

❇️ Sonıń menen birge, abiturientler test sınaǵında qatnasqanınan soń, test nátiyjelerin de usı sayt arqalı biliwi múmkin boladı.

NMPI baspasóz xızmeti.