Bul kún 2011-jıl 3-mayda Birlesken Milletler Shólkemi Bas Assambleyası tárepinen járiyalanǵan.

Bul haqqında qabıl etilgen rezolyuciyada «xalıqlar, mámleketler, mádeniyatlar hám adamlar arasındaǵı doslıq, tınıshlıqtı támiyinlew boyınsha is-háreketlerdi ilhamlandırıwı hám mádeniy kóp túrlilikti húrmetleytuǵın jámiyetler arasında kópirler payda etiw imkaniyatın jaratıwı múmkin» dep atap ótilgen.

Búgingi kúnde Ájiniyaz atındaǵı Nókis mámleketlik pedagogikalıq institutında 18 mıńǵa shamalas student-jaslar bilim almaqta. Bilimlendiriw 5 tilde alıp barılatuǵın bul ullı dárgayda qaraqalpaq, ózbek, qazaq, túrkmen, rus, koreys, qırǵız, ázerbayjan, bashqurt, uyǵır hám tatar sıyaqlı ulıwma 11 milletke tiyisli studentler bir shańaraqtıń perzentlerindey, awızbirshilikte oqıp atır. Olar tek ǵana institutta emes, sonıń menen birge, respublikamız kóleminde ótkerilip kiyatırǵan ulıwma xalıqlıq ilajlarda da tatıwlıq penen birgelikte qatnasıp, úlken nátiyjelerdi qolǵa kirgizip kelmekte.

Búgingi bayram menen barlıq watanlaslırımızdı, áziz xalqımızdı shın júrekten qutlıqlaymız!

NMPI baspasóz xızmeti.