Búgin, 8-avgust kúni 2023-2024-oqıw jılı ushın joqarı oqıw orınlarına kiriw test sınaqlarınıń segizinshi kúni dawam etpekte.

Ájiniyaz atındaǵı Nókis mámleketlik pedagogikalıq institutı tárepinen Respublikalıq oyın túrleri hám jeńil atletikaǵa qánigelestirilgen balalar hám jas óspirimler sport mektebinde test sınaqların tapsırıp atırǵan abiturientler hám olardıń ata-anaları ushın barlıq sharayatlar jaratıldı.

Abiturientler belgilengen waqıtta tekseriwlerden ótip, test procesine kirgen bolsa, ata-analar arnawlı kútiw orınlarında perzentleriniń test imtixanlarınıń barısın onlayn tárizde baqlap otırdı.

Institut rektorı Bayrambay Otemuratov abiturientlerdiń ata-anaları menen sáwbetlesip, olarǵa jaslardı joqarı bilimlendiriwge qamtıp alıw boyınsha ámelge asırılıp atırǵan reformalar, tarawdaǵı sońǵı jańalıqlar haqqında maǵlıwmatlar berdi.

Esletip ótemiz, test sınaqları 13-avgustqa shekem dawam etedi.

NMPI baspasóz xızmeti.