Ózbekstan Respublikası Prezidentiniń «Joqarı bilimlendiriw mákemeleriniń qábiletli studentleri ushın ayırım ataqlı mámleketlik stipendiyalar engizilgenine baylanıslı Ózbekstan Respublikası Prezidentiniń 1993-jıl 5-fevraldaǵı «Ózbekstannıń oqıwshı jasların xoshametlew ilajları haqqında»ǵı PF-555-sanlı pármanına ózgeris kirgiziw haqqında»ǵı pármanı tiykarında, barlıq pánlerden ózlestiriw kórsetkishleri «ayrıqsha» (kóbi menen 25 procenti «jaqsı») bolǵan hám dóretiwshilik jumıslarǵa qatnasatuǵın bakalavriat tálim baǵdarında oqıp atırǵan sońǵı eki kurs studentleri ushın tómendegi ataqlı mámleketlik stipendiyalar shólkemlestiriledi:

Texnika baǵdarlarında – Beruniy;

Medicina baǵdarlarında – Ibn Sina;

Gumanitar baǵdarlarda – Nawayı;

Súwretlew hám ámeliy óner jáne dizayn baǵdarlarında – Kamoliddin Behzod;

Tábiyǵıy pánler baǵdarlarında – Ulıǵbek;

Kinematografiya baǵdarında – Xudaybergan Devanov;

Tariyx hám geografiya baǵdarlarında – Babur;

Dene tárbiya hám sport baǵdarlarında – Pahlavon Mahmud;

Ózbekstan xalıqaralıq islam akademiyasında – Imam ál-Buxariy;

Qaraqalpaqstan Respublikasındaǵı joqarı oqıw orınlarında – Tólepbergen Qayıpbergenov hám Ibrayım Yusupov, sonday-aq, barlıq baǵdarlarda – Islam Karimov atındaǵı.

Pármanǵa bola, Beruniy, Ibn Sina, Nawayı, Kamoliddin Behzod hám Ulıǵbek atındaǵı mámleketlik stipendiyalar bakalavriat tálim baǵdarları boyınsha joqarǵı kurslardıń hár mıń studentinen birine;

Imam ál-Buxariy atındaǵı mámleketlik stipendiya Ózbekstan xalıqaralıq islam akademiyasınıń joqarǵı kursınan úsh studentke;

Xudaybergan Devanov atındaǵı mámleketlik stipendiya kinematografiya tarawı ushın kadrlar tayarlaytuǵın hár bir joqarı oqıw ornınıń joqarǵı kursınan bir studentke;

Babur atındaǵı mámleketlik stipendiya tariyx hám geografiya baǵdarları ushın kadrlar tayarlaytuǵın hár bir joqarı oqıw ornınıń joqarǵı kursınan bir studentke;

Pahlavon Mahmud atındaǵı mámleketlik stipendiya dene tárbiya hám sport baǵdarları ushın kadrlar tayarlaytuǵın hár bir joqarı oqıw ornınıń joqarǵı kursınan bir studentke;

Tólepbergen Qayıpbergenov hám Ibrayım Yusupov atındaǵı mámleketlik stipendiyalar Qaraqalpaqstan Respublikasındaǵı hár bir joqarı oqıw ornınıń joqarǵı kursınan bir studentke;

Islam Karimov atındaǵı mámleketlik stipendiya hár bir joqarı oqıw ornınıń joqarǵı kursınan bir studentke beriledi.

Bul haqqında ÓzA xabar berdi.

NMPI baspasóz xızmeti.