Erteń, 16-avgust kúni barlıq aymaqlarda studentlerdiń oqıwın sırt el hám mámleketlik emes joqarı oqıw orınlarınan mámleketlik joqarı oqıw orınlarına kóshiriw boyınsha test sınaqları ótkeriledi.

Test sınaqları eki smenada shólkemlestirilip:

1-smena – 08:00 den 11:00 ge shekem;
2-smena – 15:00 den 18:00 ge shekem bolıp ótedi.

Bunda talabanlar test sınaǵı ótkeriletuǵın aymaqqa test sınaǵı baslanıwınan keminde 1 saat aldın pasport (ID-karta) hám ruxsatnama menen keliwi jáne:

1-smenada 07:30 ǵa shekem;
2-smenada 14:30 ǵa shekem tekseriwlerden ótken halda óz ornına jaylasqan bolıwı kerek.

Pasport nusqası yamasa basqa hújjetler menen kelgen, sonday-aq, keshigip kelgen talabanlar test sınaǵına kirgizilmeydi!

Talabanlar test sınaǵında qatnasıw ushın ruxsatnamanı https://my.uzbmb.uz/allow-transfer saytınan alıwı múmkin.

Test sınaqları tolıq videobaqlaw astında onlayn translyaciya etilgen halda ótkeriledi hám processlerdi test2023.uz saytı arqalı onlayn baqlaw múmkin boladı.

NMPI baspasóz xızmeti.