ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

Ijarada jasaytuǵın studentlerge ijara tóleminiń bir bólegin qaplap beriw tártibi ápiwayılastırılmaqta

Qararǵa muwapıq, Ministrler Kabinetiniń 605-sanlı qararına (24.09.2021-j) ayırım ózgerisler kirgizildi.

Bunda studentlerge aylıq ijara tóleminiń bir bólegi ijara shártnamasınıń summasına qaramastan Tashkent qalasında – bazalıq esaplaw muǵdarınıń bir esesi (330 mıń sum), basqa aymaqlarda – bazalıq esaplaw muǵdarınıń yarım esesi (165 mıń sum) muǵdarında tóleniwi belgilep qoyıldı.

Ijara tóleminiń bir bólegin qaplaw ushın studentlerge qoyılatuǵın birneshe talaplar biykar etilip, talabandı anıqlaw kriteriyaların belgilew wákilligi joqarı oqıw ornındaǵı komissiyaǵa berildi.

Bul arqalı haqıyqatında da ijaraǵa mútájligi bolǵan studentlerdiń jeńillikten paydalanıw imkaniyatı ele de arttırıladı.

Sonday-aq, birinshi kurs studentlerine sentyabr hám oktyabr ayları ushın ijara shártnamasın talap etpesten aylıq ijara tóleminiń bir bólegin qaplap beriw tártibi engizildi.

NMPI baspasóz xızmeti.